الإعلانات

1432/09/07

هب البراد وهيض القلب عصفور .. إنشودة رائعة جدا تستحق الإستماع






لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow






:: أبيات الإنشودة ::

هب البراد وهيض القلب عصفور
واشتقت لبروق الشمال ورفيفه

سجلت ما يطري على البال بسطور
وش عاد لو ما به جديد نضيفه

مرحوم يا وقت بالاحسـان مذكور
وقت الجمايل والقلوب النظيفة

الطيب يجزى طيب والعيب مستور
يوم ان اهلنا يقسمون الغريفه

واليوم وقت الكذب والظلم والزور
وقت على الاجواد طول خريفه

الحق ينقص والمبادي بحادور
و اوجس بقلبي من تواليه خيفه

مشكور ياللي صمم الجيب مشكور
شفنا الصحاري صار نعم الخليفه

زينات ركب الكور مضى لهن دور
واليوم دور اللي علومه مطيفه

اشتاق للمشى ويصبر علـى الجور
يبعدك عن فوض المدينة وزيفه

وينوز لو دربه غرازات ووعور
كم مرة وصل وليف وليفه

مع الوعر في مشيته طيش وغـرور
ومع السهل تسمع لمشيه وحيفه

وحنا من الشامة اليا كتيفة الخور
ليا عويرض الغربي لحد الحليفه

شمال لين حدود عرعر وابا القور
دجناه لو كانت علينا كليـفه

نقـوم للمقناص مع فجة النور
خمسة جيوب والحموله خفيفه

منقية بـس المعاميل وطيور
ولا يخاوينا خطـاة الهديفه

متفاهميـن والخوي دوم معـذور
حتى اللغيفه بيننا بالنصيفه

نهارنا يمضي مداوير وسبور
والليل وقت مثمنات طريفه

ويا ما حلى يا صرت باطراف منظور
ربيع وشعاف الثريا مريفه

والعشب زان وزين القاع بزهور
تشابك النوار مثل القطيفه

انا اشهد ان القلب داله ومسـرور
معذور حتى لـو تركت الوظيفه

اقولها والعبد منهي ومامور
هذا هواي وكل حي بكيفه


المنشد: حامد الضبعان
الشاعر: مفوز التبناوي 

شكرا azizalsaadi@ و jljly4@ و abrar_93@ على الإضافة






ليست هناك تعليقات:

إرسال تعليق

شارك الصفحة مع من تحب