الإعلانات

1432/10/13

شيله ياعيال بعتوني بصفر العراقيب .. قصيدة للشاعر جحيش بن مهاوش يدعي بها على أبنائه بعد عقوقهم له






لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow




الشاعر جحيش بن مهاوش من سكان سكاكا الجوف .. يرثي ابنائه الاربعة ويدعي عليهم لما راى منهم من عقوق .. وهو من رعاهم ورباهم وهم صغار بعد ان توفيت والدتهم .. ولم يتزوج من إمرأة اخرى بعد وفاتها وتفرغ لتربيتهم .. ولكنهم عندما كبروا تنكروا له وطردوه من بيوتهم إستجابتا لطلبات زوجاتهم .. فأضطر الشاعر جحيش بن مهاوش ان يسكن وحيدا في خيمة متهالكة حتى كبر في السن وضعف بصره وتهالكت قواه ولم يعد يستطيع خدمة نفسة .. فذهب الى أبنائة يسترجيهم ويتوسل إليهم ولكنهم اصروا على موقفهم وتنكروا له ولم يستقبلوه! فقال فيهم هذي القصيدة وهي تعد من اشهر قصائد عقوق الوالدين .. ويقال ان الله إستجاب دعائة ولم ينجب منهم احدا .. حتى ان بعضهم تزوج بإثنتين وثلاثة ولكن عقوبة عقوق الوالدين قد وقعت عليهم وامر الله قد نفذ .. نسأل الله لنا ولكم ان يرزقنا ببر ورضى الوالدين علينا.

قال الذي يقرا بليا مكاتيب .. ياللي تقرون العمى من عماكم
ياعيالي اللي تشرفون المراقيب .. تريضوا لي واقصروا في خطاكم

خذوا كلام الصدق ما به تكاذيب .. مثل السند مضمون للي وراكم
ياعيال لا صرتوا ضيوف ومعازيب .. ترى الكلام الزين ملحة قراكم

وتروا السبابة من كبار العذاريب .. وهرج المجالس ما يطول لحاكم
المذهب الطيب فهو مذهب الطيب .. والمذهب الخايب يبور نساكم

ياعيال ما سرحتكم باللواهيب .. ياعيال ما عمر المعزب ولاكم
ياعيال ماضربتكم بالمشاعيب .. ولا سمعوا الجيران لجة بكاكم

ياما توليت القبايل تقل ذيب .. من خوف لاينقص عليكم عشاكم
وياما شربت السمن من عرض ماجيب .. يفز قلبي يوم يبكي حداكم

أحفيت رجليني بحام اللواهيب .. وخليت لحم الريم يخالط عشاكم
ياعيال دوكم لحيتي كلها شيب .. هذا زمان قعودنا في ذراكم

قمت اتوكا فوق عوج المصاليب .. قصرت خطانا يوم طالت خطاكم
عطوني القرضة عليكم مطاليب .. عطوني القرضة جزى من جزاكم

لابد يوم عاوي دوني الذيب .. بالقبر ما افرق طيبكم من رداكم
مني بفاضحكم بوسط الاجانيب .. باعمالكم يدرون كل اقرباكم

لوكان تدرون الردى والمعاييب .. صرتوا مع المخلوق مثل خوياكم
خوالكم بالطيب تروي المغاليب .. ولو تتبعون الجد محدن شناكم

وش علمكم يا تاركين المواجيب .. حسبي عليكم هالردى وين جاكم
قصيتكم واسندت وادي سلاحيب .. ولقيت بالصبخا مدافيق ماكم

ياعيال بعتوني بصّفر العراقيب .. ما هي حقيقة سود الله قراكم
يالله عسى اعماركم شمسها تغيب .. يعتم قمركم ثم تظلم سماكم

يا علكم في حاميات اللواهيب .. ياللي على الوالد خبيثن لغاكم
شفت الجفا والحيف والغلب والريب .. بضلوعكم لا بيض الله قراكم

عسى نساكم ما تحمّل ولا تجيب .. ولا حدن من البزران يمشي وراكم
اخسوا خسيتوا يا كبار اللغابيب .. اهبوا هبيتوا يقطع الله نماكم






ليست هناك تعليقات:

إرسال تعليق

شارك الصفحة مع من تحب